QUÉN SOMOS

Lorena e Irupé, dúas persoas cun soño en común. 

Comezamos a nosa andaina en Oza, Teo, restaurando unha antiga escola unitaria pechada anos atrás. A nosa ilusión sempre foi recuperar a esencia dos antigos colexios rurais, e ao mesmo tempo dinamizar a zona. Durante case nove anos ofrecemos un novo concepto de espazo infantil no cal acompañamos ás crianzas no desenvolvemento de todas as súas competencias cognitivas, motoras, emocionais, afectivas, interpersoais e intrapersonales a través do xogo, a convivencia e a experiencia.
Este noso proxecto inicial deu un xiro profesional e na actualidade ofertamos tardes con clases de teatro e música conservando a esencia que nos caracteriza: o amor e respecto pola infancia nun ambiente familiar coidadosamente preparado, situado nunha Contorna Natural. 

¡Esta é a gran familia Luscofusco!

COÑECE O NOSO EQUIPO

LORENA

A  miña primeira infancia foi doce, rodeada de afecto e onde o xogo reinou no meu mundo infantil. Recordo que me encantaba facer realidade os contos que me contaban os maiores ou os que eu lía. Medrei  rodeada de libros e dun profundo amor pola lectura, que se respiraba no aire e que miña nai se encargaba de alimentar tan docemente día a día.

Xogaba con meus primos a xogos de mesa como o parchís, o xadrez, as damas, as cartas… e lembro cun cariño moi especial aqueles veráns na aldea, cos avós. Aínda me emociono ó pensar naquela natureza de campos verdes, o río onde nos bañabamos; esas bicicletas que circulaban perto dos escasos coches, sen mans libres, sen semáforos, sen ruídos …

Pasabamos a maoría do tempo ó aire libre xogando en pandilla, a xogos imaxinarios, inventados, ou ó pilla pilla, ó escondite, á comba, a ladróns e policías etc…

Pero, sobre todo, lembro a miña infancia como aquela etapa na que os días estaban envoltos en paz, harmonía, paciencia, onde non había presas, nen agobios, nen estrés, porque o tempo parecía transcorrer moi, moi, moi, lentamente.
​
O meu traballo en Lusco como educadora infantil é ofrecer  ós nosos nenos e nenas eso que eu vivín dende ben pequena,sempre  dende o respeto e o amor absoluto pola infancia.

IRUPÉ 

Unha Educadora Infantil con  ALMA de Actriz. A miña infancia e xuventude transcorre na cidade de Bos Aires, Arxentina, onde, dende ben cativa, comecei a experimentar coas artes escénicas. Formeime en
diferentes escolas de dramaturxia locais. 
A miña chegada á Galiza levoume pouco a pouco cara a formación na etapa infantil creando o meu propio proxecto educativo para crianzas de entre 2 a 6 anos de idade. Así conseguín xuntar as miñas dúas grandes paixóns: o teatro e a primeira infancia. Sinto que o teatro é a miña mellor ferramenta para traballar a Educación Emocional: a representación teatral enche unha parte moi importante da miña vida e estou entusiasmada de poder compartila convosco.
Formei parte dun grupo de teatro afeccionado chamado
Dramaladindón Teatro, con Sandra Lesta na dirección. Contamos cunha estrea 
chamada “Mientras nos fumigan os aviones”, acollida por UNITARIA.
A relación que manteño coas crianzas é de moito agarimo e profundo respecto.
Desfruto co agasallo da súa compañía: as súas ensinanzas, os seus soños e as
súas marabillosas aventuras.
Encantaríame que me deixarades acompañalas para que descubran a maxia do
teatro dende moi pequenas.
Agárdovos cunha gran ilusión posta neste novo proxecto para o curso 2021/22, onde, máis que nunca, precisamos voar coa imaxinación.

​
​

CONTACTA CON NÓS

Email
[email protected]
Teléfono
698 157 259
Dirección
​​Agoso 32, Oza, 15886 Teo
A Coruña